Zaoterdaag is dun daag daat ut mien beurt is um vur dun aet te zürge.
Ma dit wuurd door meej oetbesteed. Ik laot dit, zoë aas zò veul kels aan de Miëterik, mit en gerust haart aover aan de liefdevolle zürg vaan de wederhelft vaan de Grijze Tapman, dao kaan ik ni taegenop kaòke. Ik stap aan ut end vaan de middaag op de fiets, um di nao en kort ritje beej ut betreffende etablissement taege de moor te zette. Binne, vraog ik en Kwaremontje en de menukaart. Wer zonder aanbiedingen, want…en nou citeer ik De Grijze Tapman: “Ut zien aal allemaol Actionprieze”. Zoë ok afgeloëpe zaoterdaag. Ik kwaom binne en ging op de laege kruk zitte, naeve en aanwezige Kruk, vaan de Barkruk. De Kruk (ni de laege,ma de andere) betrof, Long Tall Harry. We kwaome aal driëj aan de praot, aover vaan aales en nag waat. Onderwiël, vertelde heej meej, daat ie aal twië waeke op reej ‘t Krèntje gehaald haaj en dao genoot ie zichtbaar vaan. Enne lâch vaan oër wies oër. Durrum neum ik eum nag enne kiër en da hèt ie, zoëaas ze daat in voetbalterme neume, ennen hattrick. Dao zal ie bliej mej zien. Verder zag ie daat ie daags dur op ni ging fietse, dun Butcher mos aal um 11 oor thoes zien, de klok woord verzatte, en Jolly Joker zuj ZEKER ok ni op kome dage. Di waas dur nao ennen aovund kaarte vaan de waek, achter gekome, daat ge en rotonde noeit links um mot neme mit 7 flesse beer achter de kieze en…. aalt twië hand aan ut steur mot halde (Och, das flauw en ik haaj meej nag zoë veurgenaome, dit inkoppertje ni te make).
Daan de zondaagmerge:
Ovver de rit vaan de B’s haai ik nag waat info gevrogt aan desbetreffenden en en korte notitie gemaakt: Koffie in Oeffelt en XL in de boks is de verkiërde vraog, ma 3 maond stil ligge kaan nag net.” Ik denk daat ik zondaag nag ma is efkes naovraog, waat ze dao precies mej bedoelde.
De A rit kaan ik waat mier ovver melde:
