Afgelope zoaterdaag ging en delegatie vaan de Krukke onder aanvoering van Del Pierro op weg noa ut Zuije, vur de joarlukse Mergeland route. Dit waas volgens dun organisator, zo ongeveer vur de 24 ste kier daat heej daat, welliswoar in wisselende samestelling ndernoom. Zoj vertelde heej meej daat ie de irste joare dezen tocht same mit de Greyhound, op enne aftandse alde renfiets, enne

Gazelle (foto) mit spatborde en de clinchers nag op ut frame, ondernome haaj. Ja, di Mergelandroute is beej veul bekend vaan de toeristische autoritjes. Ge wet waal, vroegaan, op enne moeie zondaag mit de ganse familie in de Ford 12 M, mit zwaart lrre daak of beej os thoes, de Volkswage Keaver ,  ik zoat daan aal ze leave, aas jongste vaan de familie achter in de kattenbak, tusse de thermiskan koffie, gesmerde bruudjes, gevoaren driehook en de fles Exota, die later nag failliet zien gegoan, doordat de Vara aan ut licht haaj gebrocht daat de flesse spontaan kostte ontploffe, ma daat terzijde, we drieven nou nagaal af.

Del Pierro vacantie.JPGDel Pierro, di kent doa in Ut Zuije de weg aas zien eige bksets, heej wet elleken bult te zitte.. Sinds minseheugenis giet ie mit de vrouw en kiender en later toen die ut doa onderhand waal gezeen haaje mit De Greyhound, enne gas kier per joar en weekendje noatoe.  Ze hebbe doa de grutste schik en onderneme waat tripjes mit de racefiets of mountainbike. Dus ok dit joar haaj heej de organisatie wer op zich genoame,zodaat de traditie neet aan enne stillen dod ten oonder giet. Ik haaj doa aal z duk de grutste verhale ovver gehuurd,gazelle tour d france.jpg daat ik doch, Vurruit, ik goj ma is enne kier mej. En ik mot zegge, ut waas enne fantastischen daag. Perfect georganiseerd. Ut inigste waat we zelf moste doon waas teage die verrekte bulte op fietse. Klokslaag half 9 woord dur vertrokke vanaf Ger, mit 8 man in 2 buskes. Hendig, want de fietse kunne gewon achteri. Vanaf Bunde woort de route opgepakt en de Zuid-Limburgse bulte doke alengs op. Door dun ine waat hendiger genoame, aas dun andere, haaje ze dur toch alle 8 grote schik i. Op ut end en kleine 1500 hogtemters en 136 kielemter op dun teller. Noa ut noabinne werke vaan ennen dikke zak friet, um de calorien wer aan te vullen, woord dur voldaan wer op hoes a gegoan. Ik denk daat de miste s nachts waal goot stilgeleage hebbe. 

Oppe zoondaag woort dur ok gewon gefietst. Beej ut B-treintje woort wer aangepikt door enne gastreejer deen ut vurrige weak schienbaar goot bevalle waas. En passant woort heerdoor de gemiddelde leaftied mit 15 joar noa oonder getrokke. Neet daat de Bs z alt zien, ma deze gastrenner waas gewon z jongk. Hoapelijk het ie zich op zien gemaak gevuld, zodaat we in de toekomst ok wer verzekerd zien vaan waat jonge aanwas. Coppie waas vandaag wer de navigator en di nimt ze ok vort en hiel end mej vaan hoes. Zien redenatie doa achter is, zo aas ie zelf zt: Aas ge ze ma wiet genog vaan hoes lot goan, zien ze ok ni z gauw geneigd um um te dreije.  De A-groep woort aal gauw genog door Mo Riis op ennen afloper getracteerd, ma heej vertelde daat ziene fiets aaltied gestalt stong in en alde vochtige hennekuuj achter zien toch neet aal te bescheide optrekje. sMerges reejt ie daan, zo vertelde heej, in en golfkaarke ovver zienen, ik moog waal zegge, imposanten oprit um zien racekaarke op te pikke. Nou heb ik in vertrouwe gehuurd daat daat golfkaarke vurzeen is vaan witte bendjes, umdaat zien vrouw nagaal des duvels is vur zwaarte strepen op di witten oprit en ze daan te haard mot schroebe um die dur wer af te kriege. De spreent, vandaag ok ut vermelde wert, woort aangetrokke door El Coyote en nag iemes, woh ik de naam neet vaan wil neume. Ze voerden gebroedelijk nevve mekaar ut tempo op tot en 45 km/oor, um af te wachte wie vandaag de snelste bin haaj. Echter toen dun eindstreep in zicht kwaam, merkte ze daat de rest aan ut linkeballe waas. Op 100 mter waas de spreent nag steeds neet ingezatte. Iederin keek noa mekaar. De Viarts waas oeteindelijk de grtste linkebal en kwoam op 25 mter aas ennen duvel oet en duske en eiste vur dun irste kier in zien carrire de ovverwinning op. Ik heb nag noeits iemes zo bliej gezeen. Of heej dit te danken het aan ziene neeje fiets of enne greep noa en prdemiddel, daat zal aalt de vroag blieve.

 

Nag efkes en mededeling vaan huishoudelijke aard: Vur de Krukke die zin hebbe,komende zondaagmiddag vanaf en oor of 4 wille we en pilske goan drinke op de Miterikse kermis.

sisi auto.jpg