Oow lięf daat huurde ni, daat vulde toch.

Heer heb ik is ovver noa zitte denke, noadaat de Rookee deze zoondaag pas um 9 oor aansloot. Normaal is heej aaltied aal um 8 oor vaan de parteej, 
vur ut extra rundje veuraf, ma vandaag haaj heej noa zien lięf geluusterd, vertelde heej meej. Waat ie doa precies mej bedoeld, is meej ni gans duudelijk, 
want  ik kaan ow vertelle, ik heb veul noa mien lięf geluusterd, ma heb ut nag noęit gehuurd,  waal duk zaat gevuld.  Want… AAS ik ut huur…..nou…uh, 
de rest zal ik ow bespare. De Rookee haaj namelijk last vaan ziene rug en ok, zoę zag ie, zien knřk deeje pien. Rookee, 
ięn vaan de twię vaan de gebreurs Kee. 
Dun andere, daat is Nai Kee en deze het jaore aas beroepsmilitair in ut leger gedint. Op de vroag, beej welk onderdięl heej gezęte haaj, 
kreeg ik aas antwoord: “Beej de BVT ers”. 
En waat dit is, kunde opzeuke op de website www.twcdebarkruk.nl  oonder: verslagen 201515 en daa gans umlięg scrolle. 
 
Maar good, um 8 oor woord en rundje door 6 vroege vogels gedoan door Oeldere, Mięldere en Tiendere, um via de Mięlderse baan, 
woh ut tempo efkes duchtig umhoęg ging, en de Melderse wer trug te goan, um de rest der Krukke op te pikke. In Hoars, op de roondweg, 
ving ut 6-tal nag net enne glimp op van Abdou Boutsjakov, den allięn en rundje ging make. Daat heej zien kilomęters alwer aardig aant opvoere is, 
bliekt waal oet ut feit, daat os B-groep eum later trof aan de koffie beej de pauzeplaats in Roggel.  
 
De B-groep,  vandaag vur dun ięrste kier zondaags in ut gezelschap vaan en neej aspirant lid, François Souris, 
deen de rest vaan ut joar de zoondage nag aaltied op ut voetbalveld versliet. 
Ma ik ziej dur vaan ovvertuugd, daat aas heej ięnmoal door ut wielervirus is besmet, heej genne zoondaagmerge oppe fiets mięr ôvverslięt.              

Efkes trug noa ut relaas vaan de A’s. Besloate, woord um richting Remund te goan. El Coyote, de vaste routeplakker, mos um elf oor wer thoes zien, umdaat heej acte de presence  mos geave op dun ôppendaag vaan DVP aan ut Mięterikse veld. Heej maakte alves bekend daat heej DVP komende joare aas materiaalsponsor aan de Krukke haaj kunne strikke. Ze stelle enne ventilator (foto) beschikbaar woh ze ’s lentes de vorst mej verjage op dun besseplak. Nou is de bedoeling daat Joeks Eric zoondaagsmerges achter de Krukke aan reejt mit di ventilator op ut daak vaan ziene luxe wage, zoędaat ze ok vort op dun trugweg de weend in de rug hebbe.

De koffie woord vandaag genuttigd in Asselt, en klein pletske onder de roëk van Remund. Op dit terras, mit oetzicht op ut water,  hebbe ze aalt keus oet mięrdere sorte vlaai. Iederięn leet zich daanok de Rieste- Esbęre-, Stekbearevlaai goot smake. Oppen trugwęg woord ok duudeluk daat Jac de Vięaarts zien vak goot verstięt. Op en gegeave moment zoag ięn vaan de Krukke enne goudvis nevve de weg ligge en Jac woord dur dus ma allengs efkes beej gerope. Jac springt vaan ziene fiets af en zęt:”Ik zeej ut aal, oet de kôm”.

 In de laatste Kilomęters vaan de rit woord dur nag snel en dealtje gesloate tusse Bop de Bouwer en Hanscelara. Bop, din de letste weake gebrand is op en ovverwinning, zuj de letste kilomęters goot in stelling weare gebrocht , zoedaat heej ut aalięn ma efkes af hofde te make. Ut tempo woord allengs na groęte huugte gebrocht, wohdoor  enkele Krukke aan ut elastiek honge. Echter NaiKee kwoam nag op de proppe door ut “karretje in de poep te rijden” en kwoam aas ięrste ovver de streep, zoędaat ok dees weak Bop wer nevve de bloome greep. Ut excuus achteraf waas, daat heej vamerge aal um 7 oor op de fiets zoat en dus aal ruum 150 kilomęter op dun teller haaj stoan. 

Achteraf onder ut genot  vaan en pilske woord alles nag is rustig doorgenôme en door Janukula Petrovska, Gerrie Bekerman en Kami Kaze belôft daat ze volgende weak wer hięl verzichtig de training goan hervatte. Dur woord daan ok afgesproake daat we os teage din tięd zulle treffe op de pauzeplaats beej Louise in de kantine beej Auxiliatrix. Dun tięd zal ut lięre.                                                                                                                                           

 

Beteikenis: BVT: BeVruchtigsTroepen