Dun daags vur dun Oranjetocht tocht!

En oetgedund peloton aan ut vertrek deze zondaagmerge. De miêste renners waren achter de bekende battereej blieve ligge, umdaat ze merge de Oranjetocht in Hoars, georganiseerd door os collegaclubke TWC Oranje,  goan fietse. Ma in totaal 14 man vonge de merge te schon um neet vaan te profitere. Gevolg: 8 A’s en 6 B’s.  Umdaat de vaste routeplakker vaan de A’s verstek leet goan, waas dur enne plaatsvervanger aangesteld, deen de rest de weg mogde wieze. Ut woord en ritje tusse de  Piêl en de Maas. En daat deze plaatsvervangend routeplakker zien taak oeterst serieus het genoame, bliekt waal oet beejgeplaatste foto. Heej haaj daags vaan te vurre de ganse route aal oetgezatte en op elke splitsing en duudelijk bord neergezatte, dit um valparteeje te vurkome umdaat dur mej beej zien die neet gans goot mier huure en daat kaan waal is mej tot rare capriole leide. Del Pierro haaj en neej manier bedocht um op zien tellerke mier kilomêters te kriege, daan heej werkelijk gefietst haj. Door enne slaag in zien raad te make doch heej daat gemekkelijk verrig te kriege. As ik doa zoê is goot ovver prakkizeer, daan koom ik tot de conclusie daat ge “enne slaag in ut raad” neet alliên letterlijk mot neme, ma daat heej dur volges meej zelluf ok ennen het. Onderweggus in de buurt vaan Liessel merkte Obelisk daat ie de gelukkige waas, deen vandaag enne platte op zien conto kos schrieve. Ut euvel woord gauw hersteld en dun tocht woord hervat.

Iên van de talloze bordjes, vakkundig geplaatst door de plaatsvervangend routeplanner.

Echter um dur zeker vaan te zien daat ie ok deze weak wer genumd zuj weare in ut verslaag, leet ie ut stiêntje dur ma in zitte, zoêdaat ze 5 kilometer wier wer vaan de fiets moste um wer te wissele. Op de pauzeplaats in De Rips haaj de Rookie waal en hiel aarig biêst op zien shirtje zitte, door eum zelf aangeduid aas en stuk ongesieferde. Noa 100 kilometer in de biên woord dun eindspreent aal langzaam aangetrokke vaanaf dun Oosterboschweg. Ut tempo woord opgejaagd tot boave de 44 kilomèter in ut oor en daat is vur sommige funest. Vanaf de Miêterikse  meule kwoame de spreenters teveurschien, en ok vandaag, net zoâas afgeloêpe woensdag trok The Rookie wer aan ut langste end. Heer goan weej nag veul vaan huure.

Ut ongesieferde op ut shirt  vaan de Rookie

Door de B’s woord enne roonde, mit as wietste peunt,  Ospel gedoan. Oonderwegges zien, The Butcher en P.L. Flower waat ierder afgedrejd, umdaat de Butcher nag en parteejke Jeu de Boule mos goan speule tegge de gaste vaan ut vacantiehuuske vaan Bop de Bouwer. Waat dun oetslaag heervaan gewoare is, is meej neet gans duudeluk, ma The Butcher kennende zal heej de parteej waal noa zien hand hebbe gezatte. P.L. Flower is gelukkig ok wer terug vaan weggewest. Heej is wer langzaam zien kilomêters aant oppakke en is nou toch aalwer zo wiet, daat ie wer en moei tochtje mit os B’s mej kaan make en zoê eindigd ok dit verhaaltje wer mit en vrolijk end.

(Verslag vaan dun Oranjetocht volgt volgende weak!)