9 oor is 9 oor!

Klokslaag 9 oor wuurd dur vertrokke. En klokslaag is nou iemoal klokslaag.

Dus woord dur ok gewoęn  vertrokke in de richting Hoars.

Ma waat waas ut geval…De A groep miste nog op z’n minst ięn lid.

El Coyote waas nog ni vaan de parteej.

En di haaj gister via de Krukke groepsapp gemeld daat heej um 8 oor aan ut vertek zuj stoan.

Enkele krukke koste ut neet loate um toch ma is um te kieke of El Coyote dur neet nag aan kwoam.

Heej het dur namelijk en bitje en hendje vaan um zien rundje zoę te make daat ie precies um 9 oor in de Mięterik terug is um aan te sloete beej degroep vaan 9 oor.

Vandaag ging ut dus bijna fout.

Vergezeld door de Zandhaas, Testosteronnie en Hanscelara. Die haaje zich daan ok ut snot vur de ôege motte reeje um oppen tied aan de Mięterik terug te zie.

De B groep stong beej Ger nag waat te klasjeneere ovver welke kant ze op  zujje goan, dus daat waas ur geluk.  Chicken Antony wees daat de A groep aal richting St. Jansstroat waas.

Ut geval waas nameluk daat de Rookie zien bidons mit energiedrank waas vergeate, dus deen mos teage gefietst weare.

Noadaat de groep kompleet waas woord dur in Noordelijke richting gefietst, umdaat de Zandhaas noa en parteejke voetbal vaan zien zoons woj goan kieke in Groesbęk. Noa de koffie op rustplaats Linden, kreeg heej daan ok vaan El Coyote de road um beej ut viaduct waat ze passeerde de trappe noa boave te pakke en ziene weg neaven dun autoweg te vervolge.

De weg woord vervolgd via Cuijck richting Oeffelt  um neave ut spoar vanaf Boxmęer oppe Mięterik aan te goan mit de weend vol op de kop.

De B groep trapte vandaag enne ronde in de richting Maashęes, Vortum Mullem, Oploo en tikte de 95 km aan.

In hun gelederen de “verloren zoon” Gerrie Bekerman, deen noa 2 joar zien racekaarke wer is vaan de stal gehaald het, um zich veur te bereide vur de “Tocht der Tochte”. Noa eige zegge haaj heej de 95 km mit 2 vingers in de neus doorstoan.

Verder in hun gezelschap Pim, de neeje fietsgeneratie vaan de Mięterik.

Davide Marino Leone Sempre, de neeje aanwinst vaan de Krukke sinds dit seizoen, showde de Krukke zien neej racekaarke waat heej aangeschaft haaj, noa aal deen tied gebroek te hebbe gemaakt vaan enne fiets vaan de Zandhaas.

Doanoa beej Ger op ut terras woord alles nag is efkes onder ut genot vaan waat lekkers op en reejke gezatte.